Ungbarnamatur

Ungbarnamatur
Lengi býr að fyrstu gerð

Avókadó + kókosvatn = sönn ást
1 avókadó
1 dl kókosvatn (ég nota dr.Martins)
1 tsk smátt söxuð söl
1 tsk grænt duft (ég nota Vitamineral Green)
Afhýðið avókadóinn og fjarlægið steininn, skerið í bita og setjið í blandara
ásamt kókosvatninu + sölvum + grænu dufti. Blandið þar til silkimjúkt og
kekklaust. Ef of þykkt – bætið smá kókosvatni útí. Ef of þunnt – bætið smá
avókaó útí. Geymist í sólarhring í ísskáp.

Tilbrigði:
Bætið útí:
? Smá spínati eða öðru grænu káli + smá alfalfa + nokkrum epla bitum.
? Nokkrum mangóbitum + nokkrum epla bitum + smá goji berjum
? Smá bláberjum + smá spínati
? 1 hylki af acidophilus (hylkið opnað og duftið notað)
? krækiberjum + fjallagrösum (sem hafa legið í bleyti yfir nótt)

Dásamlegur og freyðandi drykkur
2 dl kókosvatn
1 tsk grænt duft (ég nota Vitamineral Green)
Fullt fullt af ást
Setjið í blandara og blandið þar til freyðandi og girnilegt:*

Tilbrigði:
Bætið útí:
? hnefa af spínati + hamingju
? mangóbitum + ást
? vatnsmelónu/hunangsmelónubitum + gleði
? bláberjum + kærleika
? frosnum hindberjum
? 1 hylki af acidophilus (hylkið opnað og duftið notað)

Marningur úr rauðrófum
1 dl lífrænar rauðrófur, afhýddar og skornar í bita
1 dl vatnsmelóna, afhýdd og skorin í bita
1 dl vatn eða kókosvatn – meiri vökvi ef með þarf
½ lítið lífrænt epli
1 msk goji ber (best að leggja þau í bleyti yfir nótt)
fullt af kærleika
Allt sett í matvinnsluvél eða blandara og blandað vel saman. Þessi
verður aldrei alveg silkimjúkur, hann hefur alltaf smá korn í sér.
Geymist í 1 sólarhring í kæli – svo það er hægt að búa þennan til fyrir 2
daga í einu.

Tilbrigði:
Bætið útí:
? 1 hylki af acidophilus + smá spírum
? bláberjum + gleði
? krækiberjum + ást

Molar
Vissir þú að……….

Því fyrr sem við venjum börnin okkar á græna litinn því meiri líkur
eru á að þeim finnist grænmeti vera sjálfsagður hluti af mataræðinu
þeirra. Einnig er það reynsla mín og fleiri foreldra að þau sækja minna í
sælgæti.

Avókadó er af mörgum heilsufrömuðunum talinn einn sá allra hollasti
ávöxtur sem börnum er gefið? Hann hafi fullkomna samsetningu af
próteinum + fitu + kolvetnum + vítamínum + stein og snefilefnum.

Kókosvatn er sérlega næringarríkt og einstaklega gott í litla kroppa.
Það er stútfullt af góðri næringu auk þess að vera náttúrulega sætt.
Gott er að nota það sem sætu í mauk og grauta í staðin fyrir sykur.

 Til baka