Grænn djús
1 agúrka
1 hnefi grænkál eða spínat
1 límóna, afhýdd
2-3 cm bútur ferskur engifer
2 sellerístönglar
½ - 1 grænt epli
1-2 dl vatn
Skerið allt smátt niður og setjið í blandara ásamt vatninu. Blandið í svona 1 mín, sigtið – t.d. með spírupoka (sem fæst í Ljósinu Langholtsvegi 43) en einnig er hægt að nota nælonsokk. Frábært á fastandi maga fyrst á morgnana og síðan bara allan daginn:*
Gott og girnilegt glútenlaust kex:*
2 dl hörfræ, lögð í bleyti í 4 dl af vatni í 2-4 klst
2 dl hrat af grænmetis eða ávaxtasafa
1 dl sesamfræ
1 dl graskerjafræ
1 dl sólblómafræ
1 msk salt
2 msk af kryddi af eigin vali (t.d karrý, timian, hvítlaukur, wasabi, chilli)
Allt sett í hrærivél og hrært saman. Með því að nota litla ískúluskeið mótið þið kúlur sem flattar eru út og setjið á smjörpappír. Bakið við 180°C í 12 mín, snúið kexinu við og haldið áfram að baka í 12 mín eða þar til þetta er orðið gyllt og fallegt.
