Rauðrófusalat
1 kg rauðrófur, bakaðar í ofni við 175°C í 75 mín.
100g sólblómafræ, þurrristuð í ofni
ca 10 jarðaber, skorin í fernt
75g spínat
50g blandaðar kryddjurtir, ferskur kóríander + fersk minta + ferskur basil + ferskur kerfill
Afhýðið rauðrófurnar þegar búið er að baka þær og kæla þær, skerið síðan í bita og setjið í skál ásamt restinni af uppskriftinniþ Blandið öllu saman og hellið dressingu yfir
Dressing
4 msk eplaedik
4 msk kaldpressuð olía, t.d. ólífuolía eða önnur góð olía
2 msk grófkorna sinnep
2 msk balsamedik
2 msk dökkt agavesýróp
2 hvítlauksrif
smá salt og nýmalaður svartur pipar
Allt sett í blandara og blandað saman. Bætið smá vatni til að þynna ef þetta verður of þykkt.
Rauðrófu-ravioli
2 rauðrófur, skornar í örþunnar hringlóttar sneiðar, annað hvort með ótrúlega beittum hníf eða á “mandólíni”, líka hægt að nota ostaskerara?Marinering:?2 msk kaldpressuð ólífuolía
2 hvítlauksrif, pressuð?smá salt og nýmalaður svartur pipar
5 cm biti fersk engiferrót, rifin á grófu rifjárni og safinn kreistur úr henni
Skerið rauðrófurnar örþunnt og setjið á fat. Hrærið marineringuna saman og hellið yfir og látið standa í a.m.k 10 mín. ?Fylling:
4 dl kasjúhnetur, lagðar í bleyti í a.m.k. 2 klst
2 dl vatn
1 dl sítrónusafi?1-2 hvítlauksrif
2 msk næringarger
1 msk laukduft
2 msk smátt söxuð steinselja
2 msk smátt saxaður kóríander
2 msk smátt saxaður basil
Bragðist til með smá himalaya/sjávarsalti og nýmöluðum ferskum pipar.?Setjið alla uppskriftina í matvinnsluvél og maukið og blandið vel saman. Síðan setjum við 1 væna teskeið af fyllingu á rauðrófusneið og síðan aðra sneið eins og lok oná. Fallegt að skreyta með smá fersku grænu kryddi.
Kúrbítspasta
3 meðalstórir kúrbítar, afhýddir?2 msk sítrónusafi?2 hvítlauksrif?Smá sjávarsalt
Notið mandolin eða “juliennepeeler” og breytið kúrbítnum í pasta. Það er líka hægt að rífa það á grófasta rifjárninu í matvinnsluvélinni. Sumar matvinnsluvélar hafa járn til að búa til chips og þá er það notað. Setjið í skál og blandið sítrónusafa samanvið ásamt hvítlauknum og smá sjávarsalti og berið fram með tómatsósu og ómissandi kasjú”osta”sósu.
Tómatsósa
2 stórir tómatar, skornir í bita?1 rauð paprika, steinhreinsuð og skorin í bita?75g g sólþurrkaðir tómatar, lagðir í bleyti í 6-8 klst? 2-3 döðlur?¼ b lífræn kaldpressuð ólífuolía eða önnur góð olía?2 hvítlauksrif, pressuð?¾ tsk sjávar salt, eða eftir smekk?smá cayenne pipar?2 msk smátt saxaður ferskur basil
2 tsk þurrkað
1 cm biti ferskur engifer?Setjið allt innihald tómatsósunnar, nema ferska kryddið í matvinnsluvél og blandið vel saman – en látið hana samt vera “smá chunky”. Bætið ferska kryddinu útí og blandið saman. Setjið tómatsósuna í skál og berið fram.?
Kasjú”osta”sósa
1 dl kasjúhnetur lagðar í bleyti í 4 klst
1 dl vatn
1 hvítlauksrif
1 msk næringarger
1-2 döðlur
2-3 msk sítrónusafi
1 tsk laukduft
2/3 tsk himalaya salt?Allt sett í blandara og blandað þar til kekklaust.
