Fyrir 2

4 dl möndlumjólk
2-3 msk hreint kakóduft
1 msk agavesýróp eða 2 döðlur
2 tepokar, pleasure frá PUKKA
nokkrir klakar

Allt sett í blandarann og blandað þar til silkimjúkt.
Útí þessa uppskrift er upplagt að setja 1-2 banana og erum við þá komin með frábæran sjeik. Einnig er það þá orðinn upplagður massi til að setja í klakabox og það má líka setja þann massa í ísvél.

2/3 dl kasjúhnetur, lagðar í bleyti í 4-6 klst
5 döðlur, steinlausar
1/2 tsk vanilluduft
1/2 ltr eða 5 dl bláber
9-10 dl vatn

Byrjið að setja 4-5 dl af vatni í blandarann ásamt restinni af uppskriftinni og blandið þar til silkimjúkt - bætið restinni af vatninu útí eða þar til þið hafið fengið ykkar réttu áferð á hristingnum

1 ¼ dl gojiber
5 dl vatn
1 msk hvítt tahini (eða möndlusmjör)
1 msk agavesýróp
smá himalaya/sjávarsalt
nokkrir klakar

Grófmalið berin í matvinnsluvél eða kryddkvörn. Setjið þetta síðan í blandara með restinni af uppskriftinni og blandið í 1-2 mín.

1-2 hnefar spínat eða romainsalat eða annað grænt
½ agúrka
½ limona eða sítróna
½ avókadó
2 cm biti engiferrót
Vatn – magn fer eftir því hvað þið viljið hafa sjeikinn þykkan/þunnan

Byrjið á að setja agúrku í litlum bitum, limonu og smá vatn í blandarann og blandið. Bætið útí spínati eða romainsalati + engiferbita og blandið þar til orðið silkimjúkt, bætið vatni útí ef með þarf. Endið á að setja avókadóið útí og klárið að blanda.

1 dl lífræn hampfræ
3-4 dl vatn
1 msk agavesýróp eða 2-3 döðlur
nokkur korn af himalaya/sjávarsalti
nokkrir klakar

Leggið fræin í bleyti yfir nótt eða í um 6-8 klst, setjið í sigti og skolið og fjarlægið hýði sem hefur losnað. Setjið síðan fræin í blandara ásamt restinni af uppskriftinni og blandið í 2-3 mín eða þar til þetta er orðið alveg kekklaust, sigtið og berið fram.
Prófið að setja sigtaða mjólkina aftur í blandara með1 msk maca + 1 msk hreint kakóduft + 1 msk agave útí ásamt nokkrum klökum og blandið þessu saman – ótrúlega góð súkkulaðimjólk.

1 dl gojiber
1 ltr af vatni

Leggið gojiberin í bleyti í vatnið yfir nótt eða í 6-8 klst. Sett í blandara og blandað vel saman, sigtað í gegnum sigti eða síupoka (fást í Ljósinu Langholtsvegi 43). Sett aftur í blandarann með nokkrum klökum. Þið geymið hratið og notið síðar t.d. í konfekt eða múslí eða bakstur.

2 agúrkur
3-4 sellerístilkar
1 lime, afhýtt
3-4 cm biti fersk engiferrót
2 græn epli

Skerið grænmetið og ávextina niður í passlega bita og setjið í gegnum djúsvélina. Hellið í glös og bætið 1-2 klökum útí hvert glas. Þetta dugar í 2-3 stór glös eða 4-5 minni.

1 dl kasjúhnetur*, lagðar í bleyti í 2 klst
3 dl vatn
4 döðlur*
1 tsk vanilluduft*
2 msk agavesýróp
400 g ferskt eða frosið mangó
1 msk hörolía

Hellið vatninu af kasjúhnetunum og skolið þær, setjið þær svo í blandara ásamt vatni og döðlum og blandið í um 2 mín.
Bætið þá vanilludufti og agavesýrópi útí og blandið smá stund. Mangóið er best að setja útí smá saman svo þetta blandist sem best.
Endið á að setja hörolíuna útí. Sumir kjósa að setja þetta fyrst í matvinnsluvél og enda svo á að setja þetta í blandara, sérstaklega ef blandarinn er soldið lúinn.
Þetta er ótrúlega hollur og góður sjeik, sem er frábær að setja í íspinnabox og í ísvél.

5 dl kasjúhnetur, útbleyttar
5 dl kornsafi (eða kókosvatn)
smá agavesýróp ef vill
½ tsk vanilluduft

Setjið kasjúhnetur og kornsafa í blandara og blandið þar til þetta er orðið alveg silkimjúkt. Setið þessa blöndu í glerkrukku eða skál og látið standa við stofuhita í 8-12 klst. Geymist í kæli.

Ef þið viljið hafa jógúrtið sætt þá er best að setja vanilluduft og agavesýróp útí og setja þetta síðan í kæli. Geymist í loftþéttu íláti í allt að viku í kæli.

Frábært í alls konar salatdressingar, kaldar sósur, deserta, sjeika og súpur. Eða eitt og sér sem jógúrt.

 ½  b heilt hveitikorn
 vatn 

Leggið hveitikornið í bleyti yfir nótt í 1 lítra glerkrukku.  Næsta morgun skolið þið fræin, setjið nælongrisju eða tjullefni og teygju yfir krukkuopið, og látið krukkuna standa á haus, t.d. í uppþvottagrind. Látið kornið spíra í 2 sólarhringa (þar til spírurnar eru orðnar jafnlangar eða lengri en fræið sjálft) og skolið 2svar á dag, kvölds og morgna. Eftir 2 sólarhringa fyllið þið krukkuna með vatni og látið standa í 3 sólarhringa. Þá hellið þið vöknaum af og setjið á flösku og fyllið aftur krukkuna með vatni. Í seinni tvö skiptin látið þið kornsafann eingöngu standa í 1 sólarhring. Hellið vökvanum á flösku og hendið spírunum.  Þær eru of súrar til að setja á safnhauginn..  

5 dl hveitikorn eða kamútkorn

Leggið kornið í bleyti yfir nótt í 4x meira vatn, hellið vatninu af og skolið kornið, setjið tjullefni fyrir opið á krukkunni og snúið henni á hvolf þannig að allt vatnið leki af. Skolið kornið 2svar á dag og snúið krukkunni alltaf á hvolf þegar búið er að skola kornið.
Þegar spírurnar sem koma út úr korninu eru orðnar um 1 cm langar þá setjið þið þær í tóma krukku og setjið rúmlega helmingi meira vatn útí. Lokið krukkunni með tjullefni og látið standa á frekar dimmum stað í um 3 sólarhringa.

Þá er safinn tilbúinn, honum er tapað á flöskur sem eru geymdar tappalausar í ísskápnum. Hægt er að nota spírurnar aftur með því að setja vatn á og láta standa í 2 sólarhringa. Þá er vökvanum tappað á flöskur og spírunum hent.

Þennan safa sagði dr.Ann Wigmore vera leyndarmálið á bak við eilífa æsku.

250 ml kókosvatn (t.d. dr. Martin)
100g spínat

Allt sett í blandara og blandað þar til silkimjúkt.  Þennan er best að drekka sem fyrst því hann hefur tendens til að skilja sig

1 dl heslihnetur
2 1/2 dl vatn

Sett í blandara og blandað í svona 1 -2 mín, síðan er þetta sigtað - annað hvort í gegnum spírupoka (fæst í Ljósinu Langholtsvegi 43) eða í gegnum nælonsokk eða í gegnum þétt riðið sigti. Hratið er frábært í alls konar bakstur, s.s. brauð eða súkkulaðiköur. (ég frysti mitt ef ég nota það ekki strax)

Setjið möndlu/heslihnetumjólkina í blandarann aftur og bætið útí:
1 msk agavesýróp eða 2 döðlum
2 msk kakódufti
1 msk kaldpressaðri kókosolíu
smá vanillu - dropar eða duft
nokkrir klakar

Balandið þar til allt er vel blandað saman - hlakkið til að njóta:)*
Það er hægt að gera þessa uppskrift án þess að sigta mjólkina, þá verður hún kornóttari:)*

- Möndlurnar eru lagðar í bleyti yfir nótt (má nota þær óútbleyttar en hitt er betra).
- Setjið möndlurnar í blandara og malið þær smátt, bætið döðlunum og vatninu útí og blandið mjög vel.
- Hægt er að sigta mjólkina, þá verður hún alveg tær eða nota hana með smá möndlukorni í.

gerir 3 bolla af mjólk

1 b (240ml) möndlur*, lagðar í bleyti í 8-12 klst
2 1/2 - 3 b vatn
4 döðlu, steinlausar (má sleppa)
100 – 150 g spínat*
1 banani

Allt sett í blandara nema spínatið og bananinn og blandað þar til mjúkt og kekklaust.  Til að skilja “mjólkina” frá hratinu er henni annað hvort hellt í gegnum fínt sigti, grisju, nælonsokk eða þéttofinn spírupoka.  Setjið svo spínat og banana útí og kárið að blanda. Það er gott að setja nokkra klaka útí þegar þið blandið spínatinu útí eða á eftir þegar drykkurinn er tilbúinn.

Hægt er að nota 1 tsk agave í  staðin fyrir döðlur eða ¼ tsk stevía eða 1 msk maca. Það má líka sleppa alveg sætuefninu. Möndlumjólk er frábær í staðin fyrir mjólk.  Drekkið hana eina og sér, notið sem grunn í hristinga eða útá morgunmatinn.  Einnig er hún frábær að nota út í pottrétti í staðin fyrir kókosmjólk.
Ef þið bætið útí þessa uppskrift 1 msk kakóduft þá eruð þið komin með kakómjólk….

1 dl lífrænar möndlur*
3-4 dl vatn
2-3 döðlur* eða 1 tsk agavesýróp* (má sleppa)
¼ tsk kanilduft
1 msk macaduft
1 msk hreint kakóduft*
nokkrir klakar

Leggið möndlurnar í bleyti yfir nótt, eða í um 8-12 klst
setjið þær í blandara ásamt vatninu og blandið í um 3-4 mín, passið að stoppa 1-2 og hvíla blessaðan blandarann. Sigtið mjólkina, takið hratið frá og setjið mjólkina aftur í blandarann ásamt restinni af uppskriftinni og blandið þar til allt er orðið silkimjúkt

1 dl lífrænar möndlur*
3-4 dl vatn
2-3 döðlur* eða 1 tsk agavesýróp* (má sleppa)
¼ tsk kanilduft
1 msk macaduft
1 msk hreint kakóduft*
Nokkrir klakar

Leggið möndlurnar í bleyti yfir nótt, eða í um 8-12 klst
setjið þær í blandara ásamt vatninu og blandið í um 3-4 mín, passið að stoppa 1-2 og hvíla blessaðan blandarann. Sigtið mjólkina, takið hratið frá og setjið mjólkina aftur í blandarann ásamt restinni af uppskriftinni og blandið þar til allt er orðið silkimjúkt

1 young coconut, kjöt og vatn (hægt að nota 250 ml kókosvatn + 1 msk kókosolíu)
200g ferskur ananas
2 cm biti fersk engiferrót
1 msk agavesýróp
½ tsk vanilluduft

Onið kókoshnetuna, hellið vatninu í blandara og skafið kjötið innan úr hnetunni með skeið og setjið útí og blandið saman.  Afhýðið ananasinn og skerið í bita og setjið útí ásamt engiferrót, agavesýrópi og vanilludufti.
Blandið þar til þetta er orðið silkimjúkt.  Þessi er frábær svona nýblandaður eða eftir að hafa staðið í smá stund í kælinum.

1 kg rauðrófur
2 sellerístilkar
½ agúrka
5 cm biti fersk engiferrót
1 lime, afhýtt
½ tsk Alkalive duft
fullt af klaka
smá himalayasalt

Setjið rauðrófur, sellerí, agúrku, engiferrót og lime í gegnum safapressu. Setjið þetta síðan í blandara með Alkalive duftinu, klakanum og smá himalayasalti og blandið vel saman.

¾ dl lífræn sesamfræ
2-3 brasilíu hnetur eða 6-8 möndlur
5 dl kókosvatn
1 msk agavesýróp eða 2-3 döðlur
nokkrir klakar

Setjið  allt í blandara og blandið í 2-3 mín eða þar til þetta er orðið silkimjúkt. Sigtið og berið fram.

2 1/2 dl sojabaunir
vatn til að leggja í bleyti
vanillustöng eða kanilstöng eða nokkrar döðlur eða.......

- setjið sojabaunirnar í bleyti í um 15 klst í 4x meira vatn en baunir, hellið vatninu frá og skolið baunirnar
- maukið baunirnar í matvinnsluvél og bætið 2-3 dl af vatni útí til að þetta verði að mauki (ég geri þetta í 3 hollum, skipti baununum í þrennt og set 1 dl af vatni með hverjum hluta í matvinnsluvélina)
- setjið 2 lítra af vatni í pott og látið suðuna koma upp. setjið sojamaukið útí og hrærið vel saman. látið þetta sjóða í um 10 - 15 mín.

Ath að það verður að hræra stöðugt í pottinum og passið að lækka undir því þetta sýður mjög auðveldlega uppúr
- setjið sigti yfir skál og hafið viskustykki eða tusku í sigtinu og hellið úr pottinum í sigtið. Sojamjólkin lekur í gegn og okran (baunahratið) verður eftir í sigtinu.
- það er upplagt að sjóða 1 kanilstöng eða 1 vanillustöng með í pottinum til að fá gott bragð af mjólkinni
- mjólkin geymist í 4-5 daga í ísskápnum en má frysta, t.d. með því að setja í ismolabox. þá er svo auðvelt að setja nokkra klaka í glas og afþýða þegar við þurfum smá sojamjólk