botn:

250 g spelt, hægt að nota fínt og gróft til helminga
3-4 tsk vínsteinslyftiduft
1/2 tsk sjávarsalt
1-2 msk græn lífræn ólífuolía,
125 ml heitt vatn

blandið þurrefnunum saman í skál eða það sem er mun auðveldara, sett í matvinnslu eða hrærivél
olíunni bætt útí, svo vatnið og deigið hnoðað, það er tilbúið þegar það myndar kúlu
stráið smá spelti á borðið og fletjið deigið út ferkar þunnt - takið svo disk í þeirri stærð sem þið viljið hafa pítsurnar í og skerið út hringlaga botn - eða notið piparkökumót eða annað skemmtilegt til að móta pítsurnar setjið bökunarpappír á ofnplötu - deigið þar oná og forbakið við 200C í 3-4 mín og setjið rakt viskustykki oná svo botnarnir harðni ekki

oná:
2 msk tómatmauk
1 dl  maukaðir tómatar
krydd eftir smekk (t.d. hvítlaukur og oregano)
rifinn ostur/sojaostur
ólífur, tómatar, laukur eða það sem þið viljið til að búa til andlit eða e-h annað listaverk

hrærið tómatmauki og maukuðum tómötum saman og búið til tómatsósu, smyrjið á botnana, skreytið og bakið þar til osturinn bráðnar

botn:

250 g spelt, hægt að nota fínt og gróft til helminga
3-4 tsk vínsteinslyftiduft                                                                     1 msk kanilduft
1/2 tsk sjávarsalt                                                                               1-2 msk agave sýróp
1-2 msk græn lífræn ólífuolía,
125 ml heitt vatn

1 forbakaður pítsabotn
4 bananar
1 tsk kanill
1 dl kaldpressuð lífræn kókosolía
1 dl hreint lífrænt kakóduft
½ dl agavesýróp

Skerið bananana í bita og raðið oná pítsubotninn og stráið smá kanil yfir.  Hrærið saman kókosolíu + agave + kakódufti og hellið helmingnum yfir pítsuna. Bakið við 180°C í 5-7 mín.  Hellið restinni af súkkulaðinu yfir og berið fram t.d. með þeyttum rjóma eða sojarjóma.

250 g spelt, t.d. fínt og gróft til helminga
50g sesamfræ
50g sólblómafræ
50g graskerjafræ
50g hörfræ
50g malaðar hnetur
1-1 ½ msk vínsteinslyftiduft
smá himalaya eða sjávarsalt
2-3 msk kaldpressuð olía, t.d. kókos
180 – 200ml dl heitt vatn

Blandið þurrefnunum saman í skál, ég set þetta gjarnan í matvinnsluvél með hnoðara.  Bætið olíunni útí og endið á að setja vatnið rólega útí á meðan vélin er í gangi.  Þegar deigið myndar kúlu í vélinni er það tilbúið.  Stráið smá spelti á borð og fletjið deigið frekar út. Ég nota hringlóttan disk sem er um 23 cm í þvermál og skelli honum oná deigið til að skera út eftir og fá hringlaga botn.  Setjið bökunarpappír á ofnplötu, leggið botninn þar oná og forbakið við 200°c í 3-4 mín.  Látið rakt stykki oná botnana svo þeir haldist mjúkir.  Þessi uppskrift gefur af sér 3-4 botna – fer eftir hvað þið hafið þá þykka.
 

2 forbakaðir pítsubotnar

Pítsusósa:

½ glas tómatsúpa frá LaSelva
½ glas Salsa Pronta frá LaSelva
3 msk lífrænt tómatpúrré*
1-2 hvítlauksrif - pressuð
1-2 tsk þurrkað oregano
1-2 tsk þurrkað basil
1-2 tsk þurrkað timian
½ tsk sjávarsalt & 1/4 tsk nýmalaður svartur pipar

Allt sett í skál og hrært saman

2 pk kirsuberjatómatar, skornir í tvennt
2 rúllur geitaostur (fást í stórmörkuðunum)
Smyrjið tómatsósunni á pítsabotnana, raðið síðan kirsuberjatómötunum þar oná ásamt geitaostinum sem er gott að klípa í litla bita.  Bakið við 200°c í um 7-10 mín.

Grillaðar litlar eggaldin pizzur
Ótrúlega bragðgóðar,  einfaldar, fljótlegar og svo eru þær alveg glútenlausar.....

2 eggaldin, skorin í 1/2 cm þykkar sneiðar
lífræn græn ólífuolía eða kókosolía*

sósa:

2 dl tómatsúpa frá LaSelva
4-5 msk pestó rosso*
1 msk lífrænt tómatpúrré*
1-2 hvítlauksrif, pressað
smá sjávarsalt

Hrærið saman tómatsúpu, tómatpestó, tómatpúrré og hvítlauk. Kryddið með smá sjávarsalti.
Rifinn parmesan (hægt að nota jurtaparmesan eða rifinn ost/sojaost).
Penslið eggaldinsneiðarnar með ólífuolíu og setjið á grillið og grillið öðrum megin.
Snúið við og setjið smá sósu á hverja sneið og svo parmesan yfir og klárið að grilla (þar til osturinn er bráðnaður).
Frábært sem forréttur eða aðalréttur fyrir kjötlausa eða hliðarréttur með kjöti

2 forbakaðir pítsubotnar

Grænt pestó:

1 búnt basil
100g lífrænar furuhnetur*, þurrristaðar í ofni eða lagðar í bleyti
2 hvítlauksrif
smá himalaya eða sjávarsalt
1 dl lífræn og kaldpressuð ólífuolía*
allt sett í matvinnsluvél og maukað

Grænmeti:

1 lítið brokkolíhöfuð, skorið í passlega munnbita
50 g sykurertur
½ dl lífræn og kaldpressuð ólífuolía*
safinn úr ½ lime
½ tsk pítsukrydd
1 avókadó, afhýtt og skorið í bita
2 vorlaukar, skornir í þunnar sneiðar
1 poki klettasalat

Setjð brokkolí og sykurertur í skál, hellið ólífuolíu + sítrónusafa + pítsakryddi yfir og látið marinerast í 10 – 15 mín
Smyrjið pestoinu á pítsabotnana, setjið brokkolí + sykurertur yfir, dreyfið klettasalatinu yfir og endið á að skutla avókdó bitum og vorlauk á pítsuna. Gott er skvetta smá ólífuolíu yfir í lokin
Í þessari pítsu er bara botninn bakaður, restin er af uppskriftinni er hrá. Enda er þessi númer 1 á vinsældarlistanum hjá flestum sem hana smakka…..

Græn pítsa
2 forbakaðir pítsubotnar

Grænt pestó:
1 búnt basil
100g lífrænar furuhnetur, þurrristaðar í ofni þar til gylltar
2 hvítlauksrif
1 lífræn daðla
1 tsk lauksalt
1 tsk næringarger
smá himalaya eða sjávarsalt
1 dl lífræn og kaldpressuð ólífuolía
Allt sett í matvinnsluvél og maukað.
 

Grænmeti:
1 lítið brokkolíhöfuð, skorið í passlega munnbita
50 g sykurertur eða Edame baunir
½ dl lífræn og kaldpressuð ólífuolía
safinn úr ½ lime
½ tsk pítsukrydd
1 avókadó, afhýtt og skorið í bita
2 vorlaukar, skornir í þunnar sneiðar
1 poki klettasalat

Setjð brokkolí og sykurertur í skál, hellið ólífuolíu + sítrónusafa + pítsakryddi yfir og látið marinerast í 10 – 15 mín
Smyrjið pestoinu á pítsabotnana, setjið brokkolí + sykurertur yfir, dreyfið klettasalatinu yfir og endið á að skutla avókdó bitum og vorlauk á pítsuna. Gott er skvetta smá ólífuolíu yfir í lokin.
Í þessari pítsu er bara botninn bakaður, restin er af uppskriftinni er hrá. Enda er þessi númer 1 á vinsældarlistanum hjá flestum sem hana smakka…..

Það er fallegt fyrir augað og gott fyrir bragðlaukana að strá nokkrum jarðaberjum yfir þessa í lokin.

250 g spelt, t.d. fínt og gróft yil helminga
3 -4 tsk vínsteinslyftiduft
1/2 tsk salt
1 tsk oreganó
1-2 msk ólífuolía
125 ml heitt vatn
Þurrefnum blandað saman í skál eða það sem mun auðveldara er: sett í hnoðarann í matvinnsluvélinni, olíunni bætt út í og síðan vatninu og deigið hnoðað, smá spelti stráð á borðið og deigið flatt út frekar þunnt, ég tek hringlótta kökudiskinn minn sem er 25 cm í þvermál og skelli ofan á deigið til að fá hringlaga botn, setjið bökunarpappír á ofnplötu og deigið þar ofan á og forbakið við 200°c í ca 3-4 mín og setjið rakt viskustykki ofan á botnana svo þeir verði ekki að tvíböku, þessi uppskrift eru 2 botnar 25 cm í þvermál

tómatsósa
1 dós maukaðir tómatar
2 msk tómatpúrré
1-2 hvítlauksrif - pressuð
2 tsk þurrkað oregano
2 tsk þurrkað basil
2 tsk þurrkað timian
1 tsk sjávarsalt og 1/4 tsk nýmalaður svartur pipar
Öllu hrært saman og smurt oná botnana

setjið álegg og sojaost/ost oná og bakið við 200°C í um 7-10 mín

Ótrúlega fljótleg

Botn:
125 g spelt*
2 tsk vínsteinslyftiduft*
2 tsk kókosolía*
smá sjávarsalt
100 ml vatn

- Hnoðið í höndunum eða hrærivél, fletjið út og bakið við 200C í 4 mín

sósa:
1 dl tómatsósa*
1 tsk oregano
1 hvítlauksrif, pressað
smá sjávarsalt
rifinn mosarella ostur (jurta eða venjulegur)

- Smyrjið sósu og kryddi á botninn, stráið ostinum yfir og bakið við við 200C í 4-5 mín.
- Um að gera að nota allskonar álegg oná pizzuna, nota það sem ykkur langar í.

fylling:

1 dós (200g) lífrænt tómatþykkni*
2 dl salsa pronta frá LaSelva
100 g spínat, saxað smátt í matvinnsluvél (má sleppa)
2 hvítlauksrif, pressuð
1 tsk oregano
1 tsk basil
1 tsk timian
¼ tsk kanill
50 g furuhnetur

Hrærið öllu saman í skál og smyrjið á deigið
ef þið viljið nota ost er upplagt að strá rifnum osti (t.d. parmesan, sojaosti eða geita) yfir fyllinguna þegar þið hafði smurt henni á deigið

Deigið

250 g spelt, hægt að nota fínt og gróft til helminga
3 tsk vínsteinslyftiduft
½ tsk salt
1 tsk oregano
1-2 msk olía, t.d. kaldpressuð kókosolía eða ólífuolía
125-150 ml heitt vatn

setjið allt nema vatnið í hrærivél eða matvinnsluvél og blandið saman, bætið vatninu útí smá saman þar til deigið myndar kúlu, þá er það tilbúið. Stráið spelti á borðið og fletjið deigið út, reynið að hafa það ferhyrnt. Smyrjið fyllingunni á deigið, rúllið því upp svo það verði að þykkri “pulsu” og skerið í sneiðar sem þið setjið á bökunarpappír á ofnplötu. Bakið í um 15 mín við 200*C .  Þessa snúða er upplagt að frysta.

350 g spelt*, t.d. fínt og gróft til helminga
1-1 ½ msk vínsteinslyftiduft*
smá himalaya eða sjávarsalt
2-3 msk kaldpressuð olía, t.d. kókos* eða ólífu
180 – 200ml dl heitt vatn

Blandið þurrefnunum saman í skál, ég set þetta gjarnan í matvinnsluvél með hnoðara.  Bætið olíunni útí og endið á að setja vatnið rólega útí á meðan vélin er í gangi.  Þegar deigið myndar kúlu í vélinni er það tilbúið.  Stráið smá spelti á borð og fletjið deigið frekar þunnt út. Ég nota hringlóttan disk sem er um 23 cm í þvermál og skelli honum oná deigið til að skera út eftir og fá hringlaga botn.  Setjið bökunarpappír á ofnplötu, leggið botninn þar oná og forbakið við 200°c í 3-4 mín.  Látið rakt stykki oná botnana svo þeir haldist mjúkir.  Þessi uppskrift gefur af sér 3 botna.

2 forbakaðir pístubotnar
Rautt pesto
Rautt pesto
2 tómatar, skornir í bita
½ rauð paprika
1 dl lífrænir sólþurrkaðir tómatar, lagðir í bleyti í nokkra klst
½ dl gojiber, lögð í bleyti í 1 klst
2 döðlur
2 msk rauðlaukur, smátt saxaður
1 msk kaldpressuð ólífuolía
1 msk sítrónusafi
smá cayenne pipar og himalaya/sjávarsalt
Setjið allt í blandara og blandið vel. Geymist í um viku í loftþéttu íláti í ísskápnum.
 

Grænmetið
2-4 gulrætur, skornar í þunna strimla (hægt að rífa þær niður eða taka þær á mandolíni)
4 tómatar, velþroskaðir – skornir í báta
100g jarðaber, skorin í báta
4 msk granateplakjarnar
50g furuhnetur

Smyrjið pestoinu á pítsabotnana, veltið gulrótunum upp úr nokkrum matskeiðum af pestói, og setjið á botninn. Dreifið tómötunum yfir ásamt jarðaberjum og granateplakjörnum. Endið á að strá furuhnetunum yfir pítsuna og hlakkið til að njóta. Í þessari pítsu er bara botninn bakaður, restin er af uppskriftinni er hrá. Það er góð tilbreyting að setja nokkra bita af geitaosti eða fetaosti eða parmesan yfir þessa pítsu.